عمل كفتة الارز فى البيت بطريقة مبسطة

 عمل كفتة الارز فى البيت .

طريقة عمل كفتة الارز في البيت بأسهل المكونات والطعم حكاية .

مقادير عمل كفتة الارز فى البيت .

• 1 كيلو لحمة مفرومة 
• 2 كوب ارز مصري مطحون 
• نصف حزمة شابت وبقدونس 
• نصف حزمة كزبرة مفرومة 
• 1 ملعقة كمون 
• 1 ملعقة بهارات
• نصف ملعقة كزبرة ناشفه
• 2 ملعقة ملح
• نصف ملعقة صغيرة فلفل اسمر
• 1 بصلة متوسطة
• 6 فصوص توم مفروم
• 1 ملعقة صغيرة بيكنج صودا (بيكربوناته)
• رشة جوزة الطيب 
• ملعقة صلصه
• 2 ملعقة كبيرة سمنة
• لتر عصير طماطم
• 2 فص توم مفروم 
• بصله متوسطة مبشورة

طريقة عمل كفتة الارز فى البيت .

1. نحضر الكبه الكبيرة نضع فيها اللحمة المفرومة
2. وعليها الارز المطحون والشابت والبقدونس والكزبرة والبصل والتوم 
3. ونقوم بضربهم جيدا حتي يتم مزج كل المكونات معا جيدا 
4. ثم نضيف البيكنج صودا والملح والفلفل الاسمر والكزبرة الناشفه والبهارات وتضرب جيدا
5. ثم نقوم باخراج العجينة من الكبه في وعاء كبير نقوم بتقطيعها قطع صغيرة 
6. ثم تشكل ونضعها في طبق جانبا
7. ثم نحضر الطاسه علي النار ونقوم بوضع الزيت فيها
8. ونتركه حتي يسخن قليلا ثم نضع صوابع الكفته فيها 
9. حتي تتحمر في الزيت وتخرج علي مناديل او في مصفي حتي تصفي من الزيت
10. ثم نحضر حله علي النار نضع فيها السمنه
11. ونضيف البصله المبشورة وتشوح حتي تصفر
12. ثم نضيف التوم المفروم ويشوح ثم نضيف عصير طماطم وملعقة صلصة
13. حتي تتسبك الطماطم ونقوم بتزويدها بالماء المغلي حبه بحبه 
14. حتي تسير سائله ونضع الملح والفلفل الاسمر والبهارات
15. ثم نقوم بوضع الكفته المحمره في الصلصه حتي تغلي وتنضج ونقوم بغلق النار 
16. وتقدم في طبق التقديم مع الارز الابيض

وبالهنا والشفا .